Атыраулық полицейлер 1500 доза есірткі затын сақтаған күдіктіні анықтады, деп хабарлайды BAQ.KZ.
ПД Есірткі қылмысына қарсы іс-қимыл басқармасының қызметкерлері жедел-іздестіру шараларын жүргізу барысында қала аумағында синтетикалық есірткіні сақтаған деген күдікпен Абай облысының 1998 жылы туған тұрғынын ұстады.
Тәркіленген есірткі затының салмағы 487,75 гр 1500 доза болатын мефедрон екені анықталды. ҚК 296-бабы 4-бөлігімен сотқа дейінгі тергеп-тексеру басталды.