Жетісу облысы маңындағы тас жолда жол апатынан 2 адам қайтыс болды, деп хабарлайды El.kz ақпарат агенттігі.
Жол апаты Көксу ауданында тіркелді. Volkswagen Passat автокөлігін41 жастағы ер адам басқарған. Шетелдік көлік Алматы-Өскемен тас жолының 203 шақырымында жол бойындағы темір қоршауға соғылып, соңы қайғылы жағдаймен аяқталды.
Оқиға орнында жүргізуші мен оның 39 жастағы жолаушысы қаза тапты. Тағы үш жолаушы жақын маңдағы ауруханаға жеткізіліп, медициналық тексеруден кейін амбулаториялық емделуге жіберілді, — деп жазылған ІІМ таратқан ақпаратта.
Жол-көлік оқиғасы, болжам бойынша, жүргізушінің шаршап, көлік басқару кезінде ұйықтап кетуі салдарынан болған.