ASTANA. KKAZINFORM – Рамазанға дейін ХАМАС кепілге алынғандары қайтармаса, Израиль күштері Рафахтағы әскери операцияларын кеңейтеді. Бұл туралы ВВС хабарлады.
Егер Рамазанға дейін кепілге алынғандар қайтарылмаса, Рафах аймағында ұрыс жалғаса беретіні атап өтілді.
Сондай-ақ, егер Израиль қойған шарттар орындалса, Израиль бейбіт тұрғындардың шығынын азайтуға және америкалық және мысырлық серіктестермен бейбіт тұрғындарды эвакуациялауға көмектесетінін айтты.
«ХАМАСтың таңдауы бар – егер олар берілсе және кепілге алынғандарды босатса, біз Газа тұрғындарына қасиетті Рамазан айын тойлауға мүмкіндік береміз» – деді Израильдің бұрынғы қорғаныс министрі Бени Ганц.
Мұсылмандардың қасиетті Рамазан айы 10 немесе 11 наурызда басталады деп күтілуде. Израиль 2023 жылдың 7 қазанындағы оқиғалардан кейін ХАМАС тобын жою үшін Рафахтағы операцияларды кеңейтуді жоспарлап отырғанын мәлімдеді. Бірақ ондағы 1,5 миллионға жуық палестиналықтардың барар жері қалмай ма деген алаңдаушылық күн сайын күшейіп келеді.