Астана – Қарағанды теміржол учаскесінде жолаушылар пойызында өрт болды, – деп хабарлайды BAQ.KZ “Қазақстан Темір Жолы” компаниясының баспасөз қызметіне сілтеме жасап.
22 наурыз күні сағат 11:13-те Астана – Қарағанды-Сортировочная учаскесінде Костанай – Алматы бағытында жүрген №44 жолаушылар пойызында өрт шыққаны анықталды. Бұл пойызды жеке тасымалдаушы “Турксиб Астана” компаниясы жүргізген, – делінген хабарламада.
Өрт шыққан вагон шұғыл түрде құрамнан ажыратылды. Оқиға салдарынан зардап шеккендер мен қайтыс болғандар жоқ. Төтенше жағдай орнына Астана станциясынан өрт сөндіру пойызы жіберілді. Өртті теміржол қызметкерлері мен ТЖД мамандары сөндірді.
Қазіргі уақытта оқиғаның себептері мен мән-жайы анықталуда.