«Шекара асып жанған өрт». Бектенов министрге қауіптің алдын алу керек екенін айтты

 Премьер-министр Олжас Бектенов Экология министрінен көрші елдермен орман өртіне қарсы бірлескен шараларды сұрады, деп хабарлайды BAQ.KZ тілшісі.

Үкімет басшысы Олжас Бектенов Экология министріне «Кей кезде өрт бізге көрші мемлекеттерден келеді. Керісінше бізден басқа мемлекеттерге баруы мүмкін. Әріптестеріңізбен қалай жұмыс істеп жатырсыздар?» деп сұрақ қойды.

Ұзындығы 3 мың шақырым орман қоры кездесетін шекара Ресей федерациясымен. Екі ел арасында үкіметаралық келісімге қол қойылды. Сол келісім аясында жұмыс жүргізіледі. Біріншіден, шекараның өтетін аумағы белгіленген. Екіншіден, өрт сөндірушілер мен техниканың тізімін алдын ала алмастық. Одан тыс әр жылы оқу-жаттығу жиындары өтеді. Мұндай келісім Қырғызстанмен де бар, — деп жауап берді Нысанбаев.