Дархан Сатыбалды Жұбанов көшесіндегі абаттандыру жұмыстарымен танысты. Жоба Саин көшесінен Өтеген батыр көшесіне дейінгі аралықты қамтиды. Жұмыстар мамырда басталып, қарашада аяқталмақ.
Жоба аясында тротуар плиткалары төселіп, орындықтар, қоқыс жәшіктері мен жарық шамдары орнатылады. Балалар және спорт алаңдары салынады. Сондай-ақ бейнебақылау камералары мен автоматты суару жүйесі қойылады.
Көгалдандыру аясында 15 мыңнан астам бұта мен гүлзар отырғызылады. Қала әкімі газондар мен ылғалды көп қажет ететін өсімдіктердің орнына, күтімі жеңіл әрі құрғақшылыққа төзімді түрлерді тамшылатып суару әдісімен отырғызуды ұсынды.
Жұмыс сапарының қорытындысында құрғақшылыққа төзімді өсімдіктерді отырғызуды қамтамасыз ету және абаттандыру барысын қатаң бақылауда ұстау тапсырылды.