Көксу ауданындағы Қызылтоған ауылында мектеп директоры мұғалімдерден қарызға ақша алып, оны қайтармаған, деп хабарлайды BAQ.KZ тілшісі.
Директордың қарызға ақша алғаны және оны қайтармағаны жөнінде полицияға 9 мұғалім ресми түрде арыз жазған. Келтірілген материалдық шығын көлемі шамамен 9 миллион теңге деп бағаланады. Зардап шеккендердің нақты саны бұдан да көп болуы мүмкін.
2026 жылғы 5 қаңтарға білім беру бөлімінің бұйрығымен мектеп директоры қызметінен уақытша шеттетілген.
Аталған факт бойынша тексеру жүргізілуде. Оның нәтижелері бойынша заңнамаға сәйкес тиісті процессуалдық шешім қабылданады, — деп хабарлады Жетісу облысының ПД баспасөз қызметі.