ҚазАқпарат — Түркістан облысында 7 жастағы қыз бала су толтыратын ыдысқа кіріп, шыға алмай қалған. Оны туыстары шығара салмаған соң, құтқарушыларды шақырған, деп хабарлайды ҚазАқпарат тілшісі. Түркістан облыстық Төтенше жағдайлар департаментінің мәліметінше, оқыс оқиға Жетісай ауданының Атакент елді мекеніндегі үйлердің бірінде болған. Ата-ана қарауынсыз қалған жеткіншек су толтыруға арналған алюминий құтыға денесімен кіріп, қыстырылып қалған. «Авариялық-құтқару жұмыстарына Түркістан облыстық ТЖД-ның 4 құтқарушысы жұмылдырылды. Құтқарушылар сағат 12:30-да арнайы құрылғы арқылы контейнерді кесті, баланы жарақатсыз алып шығып, ата-анасына тапсырды. Қазіргі уақытта баланың жағдайы тұрақты», — делінген хабарламада.