Алматыда 15-16 сәуір мерзімі өткен және пайдаланылмаған дәрі-дәрмектерді жинау акциясы өтеді

Дәрілерді қалалық емханаларда орнатылған экобокстарға өткізуге болады. Қалада мұндай 36 қабылдау пункті жұмыс істейді.

Акция дәрілік заттарды қауіпсіз түрде жоюға және қоршаған ортаның ластануын болдырмауға бағытталған.

Таблетка, капсула, май, шәрбат және сұйық ерітінді қабылданады. Шприц, ине және өзге медициналық қалдық қабылданбайды.

Бастама «Таза Қазақстан» бағдарламасы аясында жүзеге асырылып отыр.