ҚР Ұлттық академиялық кітапханасында «Кітапхана және баспа ісі туралы» заң жобасына арналған дөңгелек үстел өтті, деп хабарлайды BAQ.KZ.
Жиынға ҚР Мәдениет және ақпарат министрлігі өкілдері, кітапхана басшылары, ақын-жазушылар, баспагерлер мен ғылыми-білім беру ұйымдарының жетекшілері қатысты.
Кездесуде заң жобасының мақсат-міндеттері мен негізгі ережелері таныстырылып, оның ұлттық кітап мәдениетін дамытудағы стратегиялық маңызы талқыланды. Қатысушылар баспа ісін қолдау, кітап өнімдерін тарату, оқырманның кітапқа қолжетімділігін арттыру және кітапханалардың заманауи мәдени-ағартушылық орталық ретіндегі рөлін күшейту мәселелеріне назар аударды.
Іс-шара кәсіби қауымдастықтың ұсыныстарын жинақтап, заң жобасын жетілдіруге бағытталды.