Шымкент полицейлері бірнеше сағатта 50-ден астам есірткі жарнамасын жойды.
Полиция департаментінің Есірткі қылмысына қарсы іс-қимыл басқармасы нашақорлықпен күрес жұмыстарын қарқынды жүргізіп келеді. Мәселен, есірткімен күресушілер Жастар ресурстық орталығының, «Жастар Рухы» Жастар қанатының және Жастарды қолдау жөніндегі аймақтық кеңес мүшелерімен бірлесіп «Есірткіге жол жоқ!» акциясын ұйымдастырды.
Шара барысында қаламыздың Әл-Фараби және Абай аудандарында бірнеше сағат ішінде 50-ден аса граффити боялып, есірткі жарнамалары жойылды.