https://www.youtube.com/watch?v=IX8qbBF1aEE
Түркістан облысында мал азығынан тапшылық болмайды. Биыл аймақты 1,5 жылға жететін мал азығы қорымен қамтамасыз етуге мүмкіндік бар. Қажетті 4,1 млн. тонна мал азығы 100% ға жиналған. Қосымша облыс әкімінің тапсырмасына сәйкес аудан, қала әкімдіктеріне 1 млн. тонна азықтық қорды қалыптастыру жоспары ұсынылған. Жалпы қыстату науқанына дейін 5,1 млн. тонна мал азығы жиналатын болады. Түркістан облысында мал басына қажетті азықтық жем көлемі 784,9 мың тоннаны құрайды. Оның 82% -ы өңірде өндірілген дақылдар есебінен қамтамасыз етіледі. Оның ішінде: жүгері – 287,1 мың тонна, шитті мақта – 106,8 мың тонна, мақсары күнжарасы – 41,8 мың тонна, арпа мен бидай – 29,3 мың тонна. Бұдан бөлек, «Азық-түлік келісімшарт корпорациясы» АҚ-ы арқылы 9,3 мың тонна кебек агроқұрылымдарға арзандатылған бағамен сатылып жатыр. Бүгінде 334 агроқұрылымға 540 тонна кебек босатылған.