Шымкент қаласында көктем мезгілінен бастап қаладағы ағаштарды ауруға қарсы залалсындандыру жұмыстары жоспарлы түрде жүргізіліп отырады. Бұл туралы Шымкент қаласы әкімдігінің баспасөз қызметі хабарлады.
Биылғы «Қара тал» ағашына түсіп жатқан ауруды емдеу мақсатында аудан әкімдіктері, ҚР АШМ АӨ кешеніндегі мемлекеттік инспекциясы Шымкент қаласы бойынша аумақтық инспекциясының, Республикалық фитосанитариялық диагностика және болжамдар әдістемелік орталығы РРМ Шымкент қаласы бойынша филиалы және мердігер мекемелер бірлесе дезинсекциялық дәрілеу шараларын жүргізу үстінде.
Жалпы қалада 125 гектар аумаққа «Имидор», «Омайт», «Энжин» препараттарымен қарағаштарды өңдеу жұмыстары жүргізілуде. Оның ішінде, саябақтар аумағының 28 га жеріне, Абай ауданы 20 га, Әл-Фараби 25 га, Еңбекші ауданы 23 га, Қаратау ауданына 29 гектар жерге қолданылады.
Мұндай жұмыстар қоңыр күзге дейін жалғасады.
Егер де, аулаңызда «Қара тал» ағашының ауырып тұрғанын байқасаңыз жергілікті әкімдікке хабарласыңыз.
Әл-Фараби ауданы: 54-58-46
Еңбекші ауданы: 53-27-43
Қаратау ауданы: 77-45-64
Абай ауданы: 53-03-16