Биылғы жылдың 1-ші қыркүйегінде елімізде жалпыұлттық халық санағы басталды. Халық санағы алғаш рет цифрлы технологияларды пайдалану арқылы өтеді.
1 қыркүйектен 15 қазанға дейінгі аралықта арнайы https://sanaq.gov.kz/ сайтына кіріп, сауалнамаға жауап беру арқылы санақтан онлайн режимде өтуге мүмкіндік бар. Сайт тәулігіне 24 сағат бойы жұмыс істейді. Респондент санаққа қатысуы үшін өзіне барынша ыңғайлы уақытты таңдауына болады, сондай-ақ сайтта бланк толтыруды тоқтатып, кейіннен жалғастыру мүмкіндігі де қарастырылды.
Онлайн санаққа қатыса алмағандар қазан айының 1-30 аралығында интервьюерлердің сұрақтарына жауап бере алады. Бұл кезеңнің жаңалығы – интервьюерлер үй аралау кезінде электронды планшет қолданады.
Әл-Фараби ауданы қаламыздың орталығы болғандықтан Ұлттық халық санағын жүргізу науқанында үлкен жауапкершілік артылып отыр. Бүгінде аудандағы нысандарды толық қамту үшін 29 учаскеге бөлініп, 265 нұсқаушы-бақылаушы және 186 интервьюер жұмыс атқаруда. Дайындық кезеңінде жиналған мәліметке сәйкес, Әл-Фараби ауданында халық саны 219 652 адамды құрады.
Барша азаматтарды санаққа белсене қатысуға шақырамыз. Қазақстанда әркім маңызды.