2025-2026 оқу жылында қазақстандық оқушыларды бірқатар маңызды жаңалықтар күтуде, деп хабарлайды BAQ.KZ.
Бұл туралы Оқу-ағарту министрлігі мәлімдеді. Биылдан бастап оқу үдерісіне жасанды интеллект (ЖИ) элементтері енгізіледі. Ол үшін «Цифрлық сауаттылық» және «Информатика» пәндеріне жасанды интеллект интеграцияланды. Бұл бағытта ЖИ-ды қолданудың этикалық стандарттары бекітілді. Оқушылар үшін «Day of AI» атты онлайн-курстар, педагогтерге арналған үш деңгейлі біліктілікті арттыру курстары әзірленді, — делінген министрлік таратқан хабарламада.
Еске салайық, бұған дейін Қазақстандағы барлық мектепте кәсіби бағдар беру педагогтары жұмыс істейтіні туралы жаздық.