Түркия Сыртқы істер министрі Хакан Фидан ресми сапармен Нью-Йоркке барды, деп жазды Анадолы агенттігі.
Дипломатиялық ақпарат көздеріне сәйкес, Түркия Сыртқы істер министрі БҰҰ Қауіпсіздік Кеңесінің Палестина мәселесі бойынша отырысына қатысады.
Түркия Сыртқы істер министрлігінің басшысы сонымен қатар Нью-Йоркте түрлі елдердің өкілдерімен бірқатар екіжақты кездесулер өткізеді.
Палестина мәселесі бойынша БҰҰ Қауіпсіздік кеңесінің отырысы 23 қаңтарға жоспарланған.
Қаңтар айының басында БҰҰ Қауіпсіздік Кеңесі (ҚК) бірден екі отырыс өткізді. Біріншісі — Газа секторындағы жағдайға, екіншісі — АҚШ пен Ұлыбританияның Йеменге жасаған соққысына байланысты болды.