The Dala Times ақпараттық сайты
Басты жаңалық

Шу ауданында үлкен көлемде қару- жарақ жасырылған орын табылды

Жамбыл облысының Шу қаласындағы қараусыз қалған ғимараттың бірінің жертөлесінен үлкен көлемде оқ-дәрілер мен қарулар жасырылған орын табылды, деп хабарлайды BAQ.KZ.

Жедел-іздестіру іс-шараларын Жамбыл облысы Полиция департаментінің Есірткі қылмысына қарсы іс-қимыл басқармасының қызметкерлері жүргізді.

Нәтижесінде 9 бірлік қару мен оқ-дәрілер, атап айтқанда 4 бірлік 16 калибрлі «ИЖ-ЗК» маркалы бір оқпанды аңшы мылтығы, 16 калибрлі «ИЖ-17» маркалы бір оқпанды шолақ мылтық, 9 мм калибрлі «Байкал 79-9ТМ» травматикалық тапаншаның 2 бірлігі, тапанша, 5,45 мм калибрлі патрондардың 270 бірлігі, сондай-ақ қаңтар оқиғалары кезінде Полиция департаментінің қоймасынан ұрланған 9 мм калибрлі»ПМ» тапаншасы табылып тәркіленді.

ПД Есірткі қылмысына қарсы іс-қимыл басқармасының бастығы полиция подполковнигі Әлім Бажықбаев қаруға сот-баллистикалық сараптамасы тағайындалғанын атап өтті. 

Қазіргі уақытта осы дерекке қатысты ҚР ҚК 287-бабының 3-бөлігі (қаруды, оқ-дәрілерді, жарылғыш заттарды және жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру).бойынша сотқа дейінгі тергеу амалдары басталды.

Ұқсас жаңалықтар

Тоқаев Алматыдағы жер сілкінісіне байланысты бірқатар тапсырма берді

admin

ТҮРКІСТАН: Түлкібаста өндіріс орнының әлеуетін көтеру мәселесі талқыланды

admin

Түркістан: Ұлттық ұланның әскери қызметшілері мен полицейлердің гарнизондық байқауы өтті

admin