Шымкентте ТЖМ қызметкерлері өрт кезінде 2 адамды құтқарды және 20 адамды эвакуациялады, деп хабарлайды BAQ.KZ. Еңбекші ауданы Әлімбетов көшесінде бес қабатты тұрғын үйдің екінші қабатында пәтерде өрт орын алды.
ТЖМ күштері жанып жатқан пәтерден 2 адамды құтқарып, жедел жәрдем бригадасына тапсырды. Сондай-ақ баспалдақ маршымен 20 адам, оның ішінде 2 бала қауіпсіз жерге эвакуацияланды, — деп жазылған ТЖМ мәліметінде. Өрт 12 шаршы метр алаңда сөндірілді, себебі анықталуда.