The Dala Times ақпараттық сайты
Ақпарат

Келесте таңға дейінгі жұмыстар нәтижесінде тасқын судан келетін қауіп сейілді

Жауған жауын-шашын әсерінен Келес ауданына қарасты Ошақты ауылдық округінің Қоңыртөбе елді мекенінен өтетін аудандық маңызы бар жол бойындағы үйлерді су басу қауіпі туындады. Келес ауданының әкімі Жәнібек Ағыбаев аталған аумақта болып, судың екпінін азайту мақсатында қажетті іс-шаралар ұйымдастырылды.

Жалпы суды сейілту жұмыстарына 200-ге жуық ауыл тұрғыны, «Келес қызмет» мекемесінің 30 қызметкері, аудандық төтенше жағдайлар бөлімі мен Ошақты ауылдық округі әкімі аппаратының мамандары мен 3 техника жұмылдырылды. Нәтижесінде Сарыағаш ауданы аумағынан келген қалың суды Сарыжылға қашыртқысы арқылы Құркелес өзеніне бұру жұмыстары сәтті атқарылып, тұрғын үйлерді су басу қауіпі алды алынды.

Бозай, Жамбыл және Ақтөбе ауылдық округтеріндегі елді мекендер аумағында еріген қар және жаңбыр суынан туындаған тасқын қаупінің алды алынып, су екпіні төмендеді. Ал аудан орталығы мен оған іргелес жатқан елді мекендер аумағындағы жиылған су ассенизатор және су сорғылар арқылы тазаланды. Қазіргі сәтте аудан аумағындағы су жиылған нүктелеріне кезекшілік ұйымдастырылып, жағдай толықтай бақылауға алынған. Жалпы жағдай қалыпқа түсіп, тасқын судан болатын қауіп сейілді.

Түркістан облысы әкімінің баспасөз қызметі

 

Ұқсас жаңалықтар

В Алматы усилят контроль за ОСИ и КСК: в 2026 году проведут около 300 проверок

admin

Түркістан: Келестік шаруаларға 6 мың гектардан аса жер берілді

admin

Түркістан: бір айда Әбу-Даби – Түркістан – Әбу-Даби бағытында 28 рейс орындалған

admin