Аргентинада кедейлік шегі 20 жылдағы ең жоғары деңгейге жетті

 АСТАНА. KAZINFORM —Қаңтарда Аргентинада кедейшілік деңгейі күрт өсіп, 57,4%-ға жетті, бұл соңғы 20 жылдағы ең жоғары көрсеткіш.  

Аргентина Католик Университетінің зерттеуіне сәйкес, Аргентинада 27 миллионға жуық адам кедей, олардың 15 пайызы кедейлік шегінен төмен және азық-түлік қажеттіліктерін қанағаттандыра алмайды.

Қаңтардағы кедейліктің артуы президент Хавьер Милей 10 желтоқсанда қызметіне кіріскеннен кейін көп ұзамай аргентина песосының құнсыздануына байланысты болды. Бұл елдің негізгі азық-түлік қоржынына, сондай-ақ қызметтер мен азық-түлік емес тауарларға бағаның өсуіне әкелді.

Зерттеуде жұмысшы отбасылар мен әлеуметтік бағдарламалардан жәрдемақы алмайтын орта таптың көп зардап шеккені аталып өткен.

Зерттеуші Эдуардо Донза бағаның көтерілуі аргентиналықтарға кері әсерін тигізетінін және кедейлік наурыз айының шамасында ел халқының кем дегенде 60%-ына әсер ететінін айтты.

Аргентинаның жылдық инфляция деңгейі 2023 жылдың желтоқсанында 211%-дан асып, Латын Америкасындағы ондаған жылдардағы ең жоғары деңгейге жеткені хабарланған болатын.