Қала тазалығын басты назарда ұстаған Қаратау ауданында күн сайын көшелерді, тротуарларды сыпыру, тазалау және жуу, арық желілерін санитарлық тазалау жұмыстары тұрақты жүргізілуде.
Көшелерді жинауға 50 бірлік арнайы техника, оның ішінде 24 суару-жуу машинасы, 2 тротуар жинау машинасы, 3 трактор, сондай-ақ 180 жұмысшы жұмылдырылды.
Жауын-шашын кезінде судың кедергісіз өтуін ұйымдастыру мақсатында жолдардың жүру бөлігінің астындағы арықтар мен арық өткелдері тазартылды. Нәтижесінде 18 текше метр қоқыс шығарылды.
Еске сала кетейік, аталған жұмыстар ауданның орталық және ішкі орамдық көшелерінің санитарлық тазалық жұмыстарына жауапты «Жасыл жер» ЖШС тарапынан жүйелі атқарылуда.
Еске сала кетсек, 2021 жылдың 1 қаңтар – 9 шілде аралығында мониторинг топ жалпы карантин талаптарын сақтамаған 522 нысанды анықтап, тиісті шара қарастыру үшін Қаратау аудандық тауарлар мен көрсетілетін қызметтердің сапасы мен қауіпсіздігін бақылау басқармасына жолдаған болатын. Оның ішінде 488–іне әкімшілік айыппұл салынса, ал 34-і жұмыс үстінде.