Ішкі істер министрлігінде Халықаралық әйелдер күніне орай мерекелік іс-шара өтті, деп хабарлайды BAQ.KZ Polisia.kz сайтына сілтеме жасап.
Ведомство басшысы Ержан Саденов нәзік жанды әріптестерін көктем мейрамымен құттықтады.
Сіздерді көктемнің шуақты мерекесі – 8 наурыз Халықаралық әйелдер күнімен шын жүректен құттықтаймын! Бұл мейрам – ізгілік пен сұлулықтың белгісі. Нәзік жандыларға деген шексіз құрметтің көрінісі. Баршаңызға зор денсаулық, мол бақыт, толағай табыс тілеймін! – деді министр.
Айтулы күні азаматтардың қауіпсіздігі мен қоғам тыныштығы үшін қызмет етіп жүрген бірқатар ару, сондай-ақ тәртіп сақшыларының жас буынын тәрбиелеуге сүбелі үлес қосып жүрген ардагерлер марапатқа ие болды.
Салтанатты шара эстрада жұлдыздарының қатысуымен концерттік бағдарламаға ұласты.