«1 маусым – Халықаралық балаларды қорғау күні» қарсаңында Түркістан қаласында ерекше балаларға арналған «Шексіз өнер – тең мүмкіндіктер» атты мерекелік іс-шара өтті.
Мерекелік концертте балалар өз өнерлерін ортаға салып, ән айтып, би билеп, сән үлгісін көрсетті.
Концерт аясында балаларға арнайы сыйлықтар табысталып, олардың шығармашылық қабілеттерін дамытуға бағытталған қолдау мен қамқорлықтың маңызы айқын көрініс тапты.
Бағдарлама барысында көрермендер назарына ерекше балалардың қатысуымен өткен сән көрсетілімі (дефиле), бишілер мен өнер иелерінің бірлескен заманауи әрі тақырыптық би қойылымдары, сондай-ақ жүрекке жылу сыйлаған әсерлі әндер ұсынылды.