Қостанайда ер адам көлікте отырып, өзін-өзі өртеп жіберді, деп хабарлайды BAQ.KZ тілшісі. Бейнежазбада ер адам көлікте үстіне бензин құйып, өзін өртеп жібергенін көруге болады. Оқиға қаладағы тұрғын үй аулаларының бірінде болған. Зардап шеккен азамат қазір аурухананың жансақтау бөлімінде жатыр. Жағдайы ауыр.
Осы факті бойынша полиция сотқа дейінгі тергеп-тексеруді бастады. Оқиғаның мән-жайы анықталуда, — деді қалалық Полиция департаментінен.