Түркістан облысының тумасы Ғұсман Қырғызбаев — олимпиаданың қола жүлдегері
PARIS, FRANCE - JULY 28: Gold medalist Hifumi Abe of team Japan (C), Silver medalist Willian Lima of Team Brazil (L) and Bronze medalists Denis Vieru of Team Republic of Moldova and Gusman Kyrgyzbayev of Team Kazakhstan (R) pose for a photo on the podium during the Men -66 kg tournament on day two of the Olympic Games Paris 2024 at Champs-de-Mars Arena on July 28, 2024 in Paris, France. (Photo by Michael Reaves/Getty Images)
Парижде өтіп жатқан Олимпиада ойындарында қазақстандық татами шебері, Түркістан облысының тумасы, бүінде Алматыда тұратын Ғұсман Қырғызбаев қола медаль үшін белдесуде сербиялық Страхиня Бунчичті жығып, қола медаль жеңіп алды.
Бұл қазақ дзюдосы тарихындағы триумф! Парижде алғаш рет олимпия ойындарында біздің команда 1 алтын, 1 қола жүлдеге қол жеткізді. Кеше Елдос Сметов дзюдодан Олимпиада чемпионы атанған тұңғыш қазаққа айналды.
Естеріңізге сала кетсек, Қырғызбаев алғашқы айналымда испаниялық татами шебері Давид Гарсия Торнемен белдесіп, қарсыласын жарыс жолынан тайдырса, екінші белдесуінде Олимпиада ойындарының екі дүркін жеңімпазы Оңтүстік Корея өкілі Ан Баулдан айласын асырып, жартылай финалға шықты. Бірақ финалға шығар тұста бразилиялық қарсыласқа есе жіберді. Дегенмен, шешуші сында қола жүлдеге қол созды.
Айта кетейік, Ғұсман Қырғызбаев – 2021 жылғы әлем чемпионатының күміс жүлдегері, 2019 және 2022 жылдары өткен Азия біріншіліктерінің қола медаль иегері.
Кеше, 27 шілдеде Париж татамиіне қазақстандық екі дзюдошы шыққан еді. Әбиба Әбужақынова (48 кг) қола жүлдеге таласта Швеция өкілі Тара Бабулфаттан жеңіліп, алғашқы олимпиадасын 5-орынмен аяқтады.
Ал, Елдос Сметов (60 кг) финалда франциялық дзюдошы Лука Мхеидзені жеңіп, Олимпиада чемпионы атанған болатын.
Ғұсман Қырғызбаев 1992 жылы Түркістан облысында дүниеге келген.
ПІКІР ЖАЗУ
The Dala Times — сайты мәтін түрінде, бейнекөрініс және сурет арқылы ақпарат тарататын тәуелсіз желілік басылым.
Меншік иесі: Жеке кәсіпкер «Зауыт и БЕК».
Сайтымыздың мобильді қосымшасын жүктеп алыңыз.
