«Күміс күлкі» балабақшасында 400 бүлдіршін тәрбиеленуде

2017 жылы тамыз айында ашылған «Күміс күлкі» балабақшасында 400 бүлдіршін тәрбиеленуде. 2019 жылдың тамыз айында ашылған «Күміс күлкі 2» бастауыш мектебінде 300 бала білім алады.

Мектеп-балабақша меңгерушісі Айман Өтегенованың айтуынша, жекеменшік білім ұясындағы реконструкция жұмыстарынан кейін қосымша салынған 150 орынға лайықталған ғимарат ұстаздарға жаңа оқу жылын тың серпінмен бастауға мүмкіндік беретіні анық.

Сондай-ақ, мектеп-балабақша ауласында кіші футбол алаңы және фильтрлі су бассейні балалардың игілігіне пайдалануға берілді.

Шарада мектеп-балабақша кұрылтайшысы Таскүл Махмутқызының демеушілігімен «Мектепке жол» акциясы аясында балаларға мектеп формасы, қыстық және спорттық киім мен оқуға қажетті құрал-жабдықтар берілді.

Оқу құралдарын табыстаған Түркістан Қаласы әкімінің орынбасары Ерлан Бақытжанұлы мен Түркістан қаласы адами әлеуетті дамыту бөлімінің басшысы Оразкүл Шайхықызы балаларға жылы лебізін білдіріп, жаңа оқу жылына сәттілік тіледі.