Бұл туралы Қазақстан мен Ауғанстан бизнес форумында Сауда және интеграция министрі Серік Жұманғарин айтты, деп хабарлайды BAQ.KZ тілшісі.
Қазақстан мен Ауғанстан арасындағы тауар айналымы 2022 жылы іс жүзінде 1 млрд доллар белгісіне жетіп, 2021 жылғы көрсеткіштерді екі есеге арттырды. Тауар айналымының 90% қазақстандық экспортқа, негізінен өңделген өнімге тиесілі. Елдер арасындағы сауда осы жылдың 6 айында 343,6 млн долларға жетті, оның ішінде Қазақстан 334,5 млн доллар қазақстандық экспортқа тиесілі. Қазақстан үшін Ауғанстан ұн экспортының жалпы көлемінің 70%-ын құрайтын басым ұн нарығы екенін айта кеткен жөн, – деді Сауда министрі.
Жұманғарин экспорттық келісімдерді әртараптандырылып жатқанын айтады.
Біздің есептеулеріміз бойынша, Қазақстан Ауғанстанға азық-түлік, мұнай-химия, химия, металлургия, жеңіл, машина жасау салаларының тауарлары бойынша 500 млн доллар сомасына жеткізудің экспорттық әлеуетіне ие. Елдер арасындағы инвестициялық ынтымақтастық та дамуда. 2005 жылдан бастап Ауғанстаннан Қазақстан экономикасына инвестициялар ағынының жалпы көлемі шамамен 11,7 млн доллар болды. Қазақстанда жұмыс істейтін бірлескен кәсіпорындардың саны сауда саласында жұмыс істейтін 52 кәсіпорын бар. Қазақстан мен Ауғанстанның екіжақты форматта да, бүкіл өңір ауқымында да сауда саласындағы ынтымақтастықты дамыту үшін кең әлеуеті бар, – деді Жұманғарин.
Еске сала кетейік, бүгін Астанада Қазақстан-Ауған форумы өтіп жатыр. Елімізге Ауғанстаннан алкагольсіз сусындар экспортталатынын жазған болатынбыз.