ТҮРКІСТАН: мемлекеттік көрсетілетін қызметтер туралы өзгерістер мен толықтырулар түсіндірілді

Бүгін Түркістан облысының цифрландыру, мемлекеттік қызметтер көрсету және архивтер басқармасы 2025 жылдың I тоқсанына сәйкес «Мемлекеттік көрсетілетін қызметтер» туралы тақырыпта құқықтық оқыту өткізді. Жиынға салалық басқармалардың қызметкерлері мен онлайн байланыс арқылы аудан, қала әкімдерінің орынбасарлары қатысты.

Басқарма басшысы Марат Айнабеков ішкі бақылау шараларына кеңінен тоқталып, заңнамаға енгізілген өзгерістер бойынша түсіндіру жұмыстарын жүргізді. Сондай-ақ «Телекоммуникация және мемлекеттік көрсетілетін қызметтерді бақылау» бөлімінің басшысы Шәкәрім Нұрбекұлы мемлекеттік көрсетілген қызметтер жөнінде  2024 жылғы 12 айдың қорытындысы бойынша баяндады.

Жиынға қатысушылар тақырып аясында көкейде жүрген сұрақтарын қойып, сала қызметкерлерінен жауап алды.