Балалар арасында қандай инфекция өршіп тұр? Бұл сауалға Денсаулық сақтау министрі Ақмарал Әлназарова жауап берді, деп хабарлайды BAQ.KZ тілшісі.
Эпидемиологиялық ахуал тұрақты деуге болады. Оның ішінде былтырдан бері өршіп келе жатқан қызылша мен коклюш инфекциясы қалыпты деңгейде. Алайда бір-екі облыс, соның ішінде Жамбыл обылысында балалар арасынан қызылша ауруы тіркелді. Қазір тиісті жұмыстар жүріп жатыр. Басқа инфекциялар бойынша жағдай тұрақты. Жалпы менингококк, ішек инфекциясы және конго-қырым геморрагиялық қызбасы инфекциясы бойынша өткен жылмен салыстырғанда бірқалыпты. Бәрі тұрақты бақылауымызда, — дейді Ақмарал Әлназарова.
Денсаулық сақтау министрлігінің мәліметінше, былтырғы жылмен салыстырғанда көк жөтел — 3,8 есе төмендеген. Ал қызылша 27 есе азайған.