Шөлдаладағы сарбаздың жұмбақ өлімі
![](https://dalatimes.kz/wp-content/uploads/2023/08/6-3-905x613.jpg)
2022 жылы тамыз айында «Шөлдала» бекетінде қайтыс болған сарбаз Бекбол Мираштың өлімінен кейін қызметтегі бес адам лауазымынан босатылды, деп хабарлайды El.kz ақпараттық агенттігі.
Ұлттық қауіпсіздік комитеті Шекара қызметі Тәрбие, идеологиялық және кадрлық жұмыс департаменті бастығының орынбасары – кадрлар басқармасының бастығы Ерік Беріков кімнің қызметтен кеткенін айтты.
Бұл факт бойынша тергеу амалдары аяқталып, Шымкент гарнизоны бойынша әскери сотқа материалдар жіберілді. Қазір заң талаптарына сәйкес, тергеп-тексеру материалдарын жариялай алмаймын, — деді Ерік Беріков.
Оның айтуынша, бұл оқиғадан кейін 5 адам қызметінен босатылған.
Атқарып жатқан лауазымынан облыстық департаменттің басшысы, шекара басқармасының басшысы, застава басшысы, сондай-ақ тәрбие ісі жөніндегі жауапты орынбасарлары босатылды, — деді Ерік Беріков.
Еске салайық, Жамбыл облысында борышын өтеп жүрген Бекбол Мираштың мәйіті 2022 жылдың тамызында табылған еді.