«Қазгидромет» мәліметінше, 15 сәуір күні еліміздің көптеген аймақтарында ауа райы күрт бұзылады, деп хабарлайды BAQ.KZ.
Жел екпіні күшейіп, жаңбыр мен қар аралас жауын, найзағай, тұман және -3 градусқа дейінгі үсік күтіледі. Жетісу облысындағы Алакөл көлдері маңында желдің жылдамдығы 30 м/с-қа дейін жетуі мүмкін.
Ауа райының нашарлауы Алматы, Маңғыстау, Солтүстік Қазақстан, Павлодар, Қарағанды, Қостанай және басқа да облыстарда байқалады. Кейбір өңірлерде шаңды дауыл, қатты жауын-шашын және күрт салқындау болуы ықтимал.