Алматы Ұлттық домбыра күні аталып өтті
Абай алаңында өткен мерекелік концертке мыңдаған қала тұрғыны мен қонағы жиналды. Сахна төрінде Қазақстан эстрадасының жұлдыздары Роза Рымбаева, Айгүл Үлкенбаева, Рамазан Стамғазиев, Ulytau және «Қоңыр» топтары, сондай-ақ дәстүрлі фольклорлық ансамбльдердің өнерпаздары мен домбырашылар өнер көрсетті.
Кештің ең әсерлі сәті аңызға айналған «Әлқисса» күйінің орындалуы мен шебер домбырашылар мен олардың шәкірттері арасындағы күй тартыс болды. Бұл ұлттық өнердегі ұрпақ сабақтастығының жарқын көрінісі.
«Домбыра – қазақтың жаны, жүрегінің лүпілі. Оның қос ішегінде ғасырлар сыры, бабалар рухы, ұлттың болмысы жатыр», — деп Алматы әкімі Дархан Сатыбалды домбыраның маңызын айтып, халықты құттықтады.
Кеш соңында Қазақстанның халық артисі Роза Рымбаева «Домбыра туралы баллада» және «Атамекен» атты әсерлі әндерді орындап, концертті түйіндеді.
ПІКІР ЖАЗУ
The Dala Times — сайты мәтін түрінде, бейнекөрініс және сурет арқылы ақпарат тарататын тәуелсіз желілік басылым.
Меншік иесі: Жеке кәсіпкер «Зауыт и БЕК».
Сайтымыздың мобильді қосымшасын жүктеп алыңыз.
