Қала кәсіпкерлеріне тіл туралы Заң нормаларын түсіндіру жұмыстары жалғасын табуда

Шымкент қаласындағы Ішкі саясат және жастар істері жөніндегі басқармасы «Қоғамдық келісім» мекемесі мен Қаратау ауданы әкімдігі қызметкерлері аудан аумағындағы көшелер бойында орналасқан жарнамалардың «ҚР Тiл туралы» Заңының 21-бабына сәйкес дұрыс жазылуы бойынша түсіндірме жұмыстары жүргізілді.

Қолданыстағы заң нормаларына сәйкес кез-келген көрнекi ақпараттың мәтiндерi ең алдымен мемлекеттiк тiлде жазылады, содан соң қажеттiлігiне қарай қосымша басқа да тiлдерге аударылуы мүмкiн.

Ескеретін жәйт: шағын және орта бизнес өкілдеріне сыртқы жарнама құралдарын әзірлеу барысында мәтіндердің сауатты жазылуына, орналасуына тегін консультациялық көмек беретін «Жедел желі» (77-63-48) қызмет көрсетуде.