Алматыда Шэньчжэнь қаласы (ҚХР) делегациясы мен Shenzhen Urban Transportation Planning Center Co., Ltd. (SUTPC) өкілдері қала әкімдігі мен Қалалық дамыту орталығының мамандарымен кездесті.
Негізгі тақырып – цифрландыру және орнықты даму саласындағы ынтымақтастық. Тараптар «Алматының цифрлық егізі» пилоттық жобасын талқылап, қаланың инфрақұрылымы мен үдерістерінің динамикалық моделін құруға бағытталған тәжірибелік жұмыстарды бастады.
Кездесу барысында Алматының цифрландыру, көлік және инновациялық салаларындағы негізгі жобалар таныстырылды.
Екі тарап та серіктестіктің маңызына тоқталып, инновациялық шешімдерді енгізу үшін тәжірибе алмасудың қажеттігін атап өтті.