Сарыағаштық каратэші ел чемпионы атанды

Щучинск қаласында 29-31 наурыз аралығында  каратэден (WKF) жасөспірімдер арасындағы Қазақстан Республикасының  чемпионаты өтті. Жарысқа 3 қала, 14 облыстан 450 спортшы қатысып, бақ сынады. Түркістан облысынан 8 спортшы бақ сынап, олжалы оралды. 

Солардың бірі  Сарыағаштық жас каратэші — Әлия Альайдар. 12-13 жас аралығындағы жасөспірімдер арасында 47 келі салмақ дәрежесінде белдескен бұрымды республикалық бәсі биік додада жеңімпаз атанып, алтыннан алқа тақты. 

  Әлия Альайдар Түркістан облысының №2 олимпиада резервінің мамандандырылған балалар- жасөспірімдер спорт мектебінің шәкірті. Жаттықтырушысы  — Ерболат Әкімбай. 

 Айта кетейік, Әлия кәсіби спорттан Қырғызстан Республикасында өткен Азия чемпионатының 1-орын иегері. 

Жас спортшыны жеңісімен құттықтап, толағай жетістік тілейміз!