Жәнібек Әлімханұлы чемпиондық белбеуінен «айырыла жаздады»

5 сәуір күні болатын Жәнібек Әлімханұлының жекпе жек алдындағы салмақ өлшеу рәсімі өтті, деп хабарлайды BAQ.KZ тілшісі.

WBO және IBF тұжырымдары бойынша орта салмақтағы әлем чемпионы Жәнібек Әлімханұлы 72,5 келі көрсетсе, оның қарсыласы — Франция өкілі Анауэль Нгамиссенге де салмаққа сай болды. Салмақ өлшеуден кейін боксшылар дәстүрлі көз арбастыру рәсімінен өтті.

Нгамиссенге шоу көрсету кезінде абайсызда Әлімханұлының чемпиондық белбеулерінің біріне қолын тигізіп, оны жерге түсіріп алуға шақ қалды. Бұл сәт күтпеген жағдай болса да, Жәнібек оны әзілмен қабылдап, жай ғана жымиды. Жәнібек Әлімханұлы (16-0, 11 КО) мен франциялық Анауэль Нгамиссенге (14-0, 9 КО) арасындағы жекпе-жек 5 сәуір күні Астанадағы «Барыс Арена» спорт кешенінде өтеді.

Қазақстандық боксшы IBF және WBO тұжырымдамалары бойынша орта салмақтағы чемпиондық белбеулерін қорғайды. Бұл жекпе-жек Жәнібек үшін ерекше маңызға ие, өйткені ол өз елінде 2017 жылдан бері алғаш рет өнер көрсеткелі отыр. Алдағы жекпе-жекте ол WBO және IBF нұсқалары бойынша орта салмақтағы әлем чемпионы титулдарын қорғайды

Бұл кештегі бір өзгеріс – екінші жеңіл салмақтағы Махмұд Сабырханның қарсыласы ауысты. Енді ол Въетнамнан келген Данг Дак Хайнхпен жұдырықтасады.

IBF және WBO тұжырымы бойынша орта салмақтағы чемпиондық айқас (72,6 келі), 12 раунд.

Жәнібек Әлімханұлы (Қазақстан, 16-0, 11 КО) — 72,35 келі
Анауэль Нгамиссинге (Франция, 14-0, 9 КО) — 72,05 келі

IBF Intercontinental тұжырымы бойынша екінші орта салмақтағы жекпе-жек (58,9 келі), 10 раунд.

Сұлтан Заурбек (Қазақстан, 19-0, 13 КО) — 59,9 келі
Азинга Фузиле (ОАР, 18-2, 12 КО) — 58,74 келі

Аса ауыр салмақтағы жекпе-жек, 10 раунд.

Баходир Джалолов (Өзбекстан, 14-0, 14 КО) – 114,10 келі
Игорь Шевадзуцкий (Украина, 12-2, 10 КО) — енді келеді.

Бірінші орта салмақтағы жекпе-жек (64,4 келі), 10 раунд.

Батыр Жүкембаев (Қазақстан, 23-1, 17 КО) – 64,35 келі
Кейн Гарднер (Ұлыбритания, 17-4, 7 КО) — 63,60 келі

Екінші жеңіл салмақтағы жекпе-жек (55,2 келі), 6 раунд.

Махмұд Сабырхан (Қазақстан, дебют) – 55,34 келі
Данг Дак Хайнх (Въетнам, 2-1, 2 КО) — 54,78 келі

Жеңіл салмақтағы әйелдердің жекпе-жегі (53,5 келі), 8 раунд (2 минуттан).

Балауса Мұздыман (Қазақстан, 6-0, 5 КО) – 54,46 келі
Мария Тереза Пинили (Филиппин, 7-1, 2 КО) — 53,26 келі

Жартылай жеңіл салмақтағы айқас (57,1 келі), 8 раунд.

Отабек Холматов (Өзбекстан, 12-1, 11 КО) – 57,4 келі
Джейсон Кано Манигос (Филиппин, 30-12-2, 20 КО) — 56,92 келі

Жартылай орта салмақтағы жекпе-жек (69,9 келі), 6 раунд.

Төрехан Сабырхан (Қазақстан, дебют) – 69,1 келі
Йиржи Хауке (Чехия, 4-6, 2 КО) — 70 келі

Жартылай орта салмақтағы жекпе-жек (69,9 келі)
Ақниет Әлімбай (Қазақстан, 2-0, 1 КО) – 70,30 келі
Йозеф Дубски(Чехия, 1-0, 1 КО) — 70,20 келі

Жартылай орта салмақтағы жекпе-жек (69,9 келі)
Әлішер Әбдуәлім (Қазақстан, 3-0, 2 КО) – 70 келі
Ашиш Чаудхари(Үндістан, 3-0, 0 КО) — 70,6 келі