Оңтүстік Корея үкіметі Президент импичменті шешімінен кейінгі қадамдарын жариялады

Корея Республикасының үкіметі елдегі саяси тұрақтылықты сақтауды және халықаралық қоғамдастықпен өзара әрекеттесуін жалғастырып жатыр. Бұл туралы Корея Республикасының Мәдениет, спорт және туризм министрі — үкіметтің баспасөз хатшысы Ю Ин Чон бүгін баспасөз мәслихатында мәлімдеді, деп хабарлайды BAQ.KZ тілшісі.

Министр елдің Конституциялық сотының бұрынғы Президент Юн Сук Ёлдің импичментін қолдайтын шешімінен кейін, Кореяның мемлекеттік басқаруды жалғастыру бағытындағы нақты қадамдарын түсіндірді.

Қазіргі уақытта Президенттің өз міндетін атқармауы жағдайында, Корея үкіметі барлық мемлекеттік қызметті Конституция мен заңдарға сәйкес қалыпты жұмысын жалғастырып жатыр. Министр атап өткендей, үкімет азаматтар мен халықаралық қоғамдастықтың сенімін қорғау үшін бар күшін салуда.

Ең алдымен қауіпсіздік шараларын күшейту мақсатында қорғанысқа қатысты шаралар қабылданып жатыр. Сонымен қатар үкімет азаматтардың күнделікті өмірін қорғау үшін қоғамдық тәртіп пен қауіпсіздік шараларын нығайтуға және апаттарға дайындық жүйесін қайта қарауға назар аударуда. Қаржы нарығының тұрақтылығын қамтамасыз ету үшін үкімет қатаң бақылауды жүргізіп, ел экономикасын қолдауға бағытталған саясатты жүзеге асыруда. Әлемдік сауда және дипломатиялық мәселелер бойынша жылдам жауап беру және барлық экономикалық салаларда сенімділікті қалпына келтіру мақсатында шаралар қабылданады, — деді ол.

Ю Ин Чон сондай-ақ алдағы президенттік сайлаудың тұрақты түрде өтуі үшін барлық қажетті шаралар қабылданатынын айтты. Жаңа әкімшілікті жоспарланған мерзімде құру үшін, үкімет мемлекет басқаруындағы тұрақтылықты қамтамасыз етуде.

Бұған дейін Оңтүстік Корея президенті Юн Сок Ёль Конституциялық сот шешімімен лауазымынан шеттетілгенін жаздық.