Кентау: қала әкімі ауылдың жол құрылысын бақылады

0
286

Кентау қаласына қарасты Қарнақ ауылында жол құрылысының жұмыстары жалғасуда. Бүгінде 5,5 шақырымды құрайтын алты көше жөндеуден өткізілген.

Кезекті сапар барысында қала әкімі Жандос Тасов  құрылысы аяқталған көшелерді бақылап шықты. Одан бөлек, «Ырмақ-Өзен» су қоймасының қәзіргі жағдайы мен ауыл тұрғындарының демалыс орнына айналған аллеямен танысты.

Сапар барысында қала басшысы ауыл тұрғындарымен кездесіп, қордаланған өзекті мәселелерін тыңдады. Көпшілігі ауылда интернет желісінің төмен деңгейде жұмыс жасайтынын айтады. Бұл бойынша ауыл әкіміне ретке келтіру бойынша қажетті шараларды қолға алуды, мүмкіндігінше мамандармен бірлесіп жұмыс атқаруды тапсырды.

Айта кетейік, Қарнақ ауылында «Ауыл – Ел бесігі» жобасы аясында 10 көше орташа жөндеуден өткізу қарастылған. Қарнақта жалпы 116 көше болса, онын 31-і асфальттанған.

Кентау қаласы әкімдігінің баспасөз қызметі


ПІКІР ЖАЗУ