Қоғамдық WI-FI орнатылуда
![](https://dalatimes.kz/wp-content/uploads/2022/11/301974160_1100725310558253_7250323156015463445_n.jpg)
Аудан тұрғындары мен қонақтарына жайлы жағдай жасау мақсатында қоғамдық орындарға тегін Wi-Fi нүктелерін орнату жоспарланған болатын. Осыған орай Ленгір қаласының орталық алаңында тегін Wi-Fi нүктелері орнатылды. Қазіргі уақытта тегін ғаламтор күнделікті тұрақты жұмыс жасап тұр. Сонымен қатар «Жастар» және «Тәуелсіздік» саябақтарындағы Wi-Fi нүктелерін интернет желісіне қосу жұмыстары жүргізілуде.
Интернет қызметінің жылдамдығы 30-40 Мбит/с-ты құрайды. Бұл интернет қолданушыларға әлеуметтік желілерді пайдалануға, сайттарды қарауға, ән тыңдауға, видео көріп, оны жүктеп алуға мүмкіндік береді.
Төлеби ауданы әкімінің баспасөз қызметі