Қазақстан мен Қытай арасындағы жүк тасымалы екі есе артты

Бұл туралы халықаралық саяси сарапшы және журналист Харун Карсис «The National Interest» басылымында жазды.

Қазақстан ресми түрде Қытаймен үшінші теміржол қатынасының құрылысын бастады. Екі деңгейлі теміржол Қазақстан мен Қытай арасындағы жүк тасымалын жылына 28 миллион тоннадан 48 миллион тоннаға дейін арттырады деп күтілуде. Қазақстан Үкіметі қаржыландырған теміржолдың құрылысы 2027 жылы аяқталуы тиіс. 1300 шақырымдық теміржол желісі екі шекара өткелінің кептелісін азайтады.

Бұл «Бір белдеу және бір жол» бастамасына миллиардтаған доллар құйған Қытай үшін жақсы жоба. Жаңа «Жібек жолы» аясында Қазақстан теңіз жолдарын айналып өткен орталық транзиттік торап және қауіпсіз құрлық дәлізі бола алады. Осылайша Қазақстанның әлемдік саудадағы қауқары артып, миллиондаған әлеуетті тұтынушылар үшін жаңа нарық ашылды. Қазіргі уақытта Қытай Қазақстанның басты экономикалық және сауда одақтасы.

«Си Цзиньпинмен бірге біз Қазақстан мен Қытай арасындағы ынтымақтастықтың жаңа «Алтын отыз жылдығын» іске қостық. Бұған өткен жылы Қытайға жасаған екі сапарым дәлел, — деді Президент Қасым-Жомарт Тоқаев жақында» Егемен Қазақстан «газетіне берген сұхбатында. «Стратегиялық мақсат − 2029 жылға қарай ЖІӨ — ні екі есеге арттыру», — деді ол оптимистік түрде, — деп жазды сарапшы.

Қазақстан мен Қытай арасындағы екіжақты сауда көлемі бұрын-соңды болмаған өсімге қол жеткізіп, 2023 жылдың алғашқы он айында 32,7 миллиард долларға дейін ұлғайды. 

Қазіргі уақытта Қытайға экспортты әртараптандыру және жеткізу көлемін ұлғайту бойынша белсенді күш-жігер жұмсалуда. Бұдан басқа, Қытай қазіргі уақытта Қазақстанның экономикалық дамуының аса маңызды қатысушыларының бірі екенін айта кеткен жөн, 2005 жылдан бастап жиынтық инвестициялар көлемі 24 миллиард долларға жетті.

Шығыс пен Батыс арасында орналасқан, сондай-ақ Қытаймен ортақ шекарасы бар Қазақстанның стратегиялық географиялық жағдайы Қытай тауарларының транзиті үшін кең перспективалар ашады. Қазақстан мен Қытай арасында визасыз режимнің енгізілгені өте маңызды қадам болды, Қазақстан азаматтары Қытайда барлық визалық талаптардан босатылды.

Алайда, кейбір жердегі шекара өткелдерінде ұзақ кідірістер байқалады. «Атамекен» Ұлттық Кәсіпкерлер палатасының мәліметінше, «Нұрлы Жол» шекаралық пунктін кесіп өтетін жүк көліктері орта есеппен он бір күн күтеді. Бұл жүк көліктері көбінесе кеден органдарының «себепсіз» қайта тексерулеріне ұшырайды. Бұл туралы бизнес топ өкілдеріне жүргізушілер шағымдарынан белгілі болған. Бұл мәселені шешу үшін билік жақында » Нұрлы Жол «бақылау-өткізу пунктінің тәулік бойы жұмысын бастады, — деп жазды Харун Карсис.