Қытайда Қазақстанның мәдени орталығын ашу мәселесі талқыланды

 Мәдениет және ақпарат министрлігінде Қытайда Қазақстанның мәдени орталығын ашу мәселелері талқыланды, деп хабарлайды BAQ.KZ.

Бүгін Мәдениет және ақпарат министрлігі Мәдениет комитетінің төрағасы Күміс Сейітова Қытай Халық Республикасының Қазақстандағы Төтенше және өкілетті елшісінің мәдениет істері жөніндегі кеңесшісі Цзян Пэнмен кездесті. Кездесуде тараптар Бейжіңде қазақстандық мәдениет орталығын және Астанада қытайлық мәдениет орталығын ашу мәселелерін талқылады.

Күміс Сейітованың айтуынша, министрлік ҚХР-дағы орталықтың тұжырымдамасын әзірлеген. Орталық жұмысының негізгі қызметі музей ісі, кинематография мен мультипликация, орындаушылық және бейнелеу өнерін қамтиды деп жоспарланған. Сондай-ақ, кітапхана мен Қазақстан туризмі бұрышын да ашу көзделген.