ШЫМКЕНТ: Көпшіліктің қатысуымен өтетін кез келген іс-шараларды өткізуге тыйым салынды

0
219

Шымкентте эпидемиологиялық ахуалдың күрделенуіне байланысты шектеу шараларын күшейту жөніндегі қала әкімінің тапсырмасына сәйкес Қаратау ауданындағы мониторингтік топтың саны онға артты.

Айта кетейік, Шымкент қаласының бас мемлекеттік санитарлық дәрігерінің 14 шілдедегі №22 қаулысына сәйкес, бүгінде Қаратау ауданы аумағында көпшіліктің қатысуымен өтетін кез келген іс-шараларды / туған күн, мерейтой, құдалық, той, беташар / өткізуге тыйым салынды. Сондай-ақ, қоғамдық тамақтану орындарының жұмыс уақыты да қысқартылды. Енді олар келушілерге сағат 20.00-ге дейін ғана қызмет көрсете алады. Онда да жасақталған орындардың жартысына ғана отырғыза алады.

Ал «Аshyq» жобасына қатыспайтын ойын-сауық орталықтары, бильярд, компьютер клубтары мен букмекерлік кеңселердің жұмысы мүлдем тоқтатылды.

Шымкентте бір тәулік ішінде 2 601 адам вакциналанды (I компонент-1201, II компонент-1400). Жалпы, егу науқаны басталғалы барлығы 341 106 адам екпе салдырған. Оның ішінде 213 563 адам вакцинаның екі компонентін алды.

Құрметті қала тұрғындары мен қонақтары! Өз денсаулығыңыз — өз қолыңызда! Карантин талаптарын қатаң сақтайық.


ПІКІР ЖАЗУ