ШЫМКЕНТ: Жол жүруге кедергі келтіретін талдардың бұтақтары кесілді

Әл-Фараби ауданының көшелерінде жол белгілерін жауып қалған және электр желілеріне тиіп тұрған талдардың бұтақтары кесілді. Аталған жұмыстар Шымкент қаласы Полиция департаментінің әкімшілік полиция басқармасының нұсқамасына сәйкес атқарылуда.

Сондай-ақ ағаштарды санитарлық кесу жұмыстары ауданның көпқабатты үйлерінің ауласында да жүргізілуде.Себебі ағаштың өсіп кеткен бұтақтары жел соқса, электр сымдарына зақым келтіріп, апатты жағдай туғызуы мүмкін.

Аудан аумағындағы аулалардағы ағаштарды ретке келтіру және кесу жұмыстары тұрақты түрде жүргізіліп отырады.

Шымкенттің келбетін келісті етіп, әрін арттыратын – оның жайқалған жасыл желегі, күтіп бапталған ағашар мен үшінші мегаполистің сымволына айналған ерекше гүл шоқтары. Қаланың шырайын шұғылалы ету мақсатында Әл-Фараби ауданында көгалдандыру жұмыстары қарқынды жүргізілуде. Бүгінде аудан аумағында жасыл-желектерді суғару, газондарды қырқып ретке келтіру жұмыстары атқарылып жатыр.

Биыл көктемде ауданның басты көшелерінің бойына қондырылған туя шыршалары тамырын кеңге жайып, жақсы өніп-өсуі үшін оларға арнайы қоршаулар жасалды. Шыршаларға суғару, күтіп баптау жұмыстары күнделікті жүргізілуде.