ШЫМКЕНТ: Еңбекші ауданында 485 көпқабатты тұрғын үй жылыту маусымына дайын

Аудан аумағында орналасқан 630 көпқабатты тұрғын үйдің 530-ы орталықтандырылған жылуға қосылған. Қазіргі таңда ауданда 485 көпқабатты тұрғын үй жылыту маусымына дайын. Қалған 45 үйде қысқа әзірлеу, жылыту жүйесін жуып-тазалау жұмыстары жүргізілуде.

Аудан аумағында қызмет көрсететін «Теплокомсервис» сервистік компаниясымен 2021-2022 жылғы қысқы жылыту маусымына көпқабатты тұрғын үйлерді дайындау жұмыстарының барысы қадағалануда.

Қала әкімінің тұрғындарға жайлы өмір сүруіне жағдай жасау мақсатында берілген тапсырмасы негізінде Еңбекші аудан әкімдігі жылыту маусымына дайындық жұмыстарын жіті бақылауда.

Жалпы Еңбекші ауданында жылыту маусымына қатысты түсіндіру жұмыстары күнделікті жүргізілуде.

Аудан бойынша қысқы дайындық жұмыстарын жүргізетін 6 қызмет көрсетуші мекеме бар. Олармен көп қабатты үйлердің қысқы жылыту маусымына дайындау, сығымдау барысында құбырлардың ақаулары тексеріледі және тік құбырларға 6-7 атмосфералық қысым беріліп, ақаулар анықталған жағдайда жарамсыз бұрандалар ауыстырылады. Сонымен бірге ысырма жапқыштар майланып дайындалады. Дайындалған үйлер дайындық актілерімен «Қуат жылу орталық-3» МКК тарапынан қабылданады.