ШЫМКЕНТ: Еңбекші ауданында 6 шақырымдық жол күрделі жөндеуден өтуде

Шымкент қаласында көлік жолдары 3 247 шақырымды құрайды. Биыл 49,8 шақырымды құрайтын 71 көшеге күрделі жөндеу жұмыстарын жүргізу жоспарланған.

Оның ішінде 6 шақырымдық жол, яғни 17 көше Еңбекші ауданының аумағында орналасқан. Атап айтқанда, Замана, Ғажайып №1, Ғажайып №2, Шамшырақ, Несібе, Несібе №1, Несібе №2, Жасын, Жаңару, Бақыт ана, Өнеге, Сарыарқа, Үшқұдық, Үшқұдық №1, Үшқұдық №2, Керемет, Еламан көшелері кіреді.

Аталған жұмыстардың мердігері – «Корпорация Береке-А» ЖШС, ал техникалық жобалаушы болып «Мир-Строй и Компания» ЖШС бекітілген.

Қазіргі уақытта күрделі жөндеу жұмыстары толығымен аяқталып, ел игілігіне пайдалануға берілген.

Атқарылған жұмыстар сапасы әкімдіктің жіті бақылауында екенін хабарлаймыз.

Одан бөлек аудан аумағы бойынша 23 елді мекен (73,5%) табиғи газ жүйесімен қамтылса, қалған 11 елді мекен қатты отынды пайдалануда. Бүгінде Алтынтөбе, Ынтымақ-2 шағын ауданының Батыс бөлігінде құрылыс жұмыстары жүргізіліп жатыр. 2 елді мекенге (Ынтымақ-2, Нұршуақ,) табиғи газ жүйесін  тарту мақсатында жоба дайындау үшін қалалық энергетика және коммуналдық шаруашылық басқармасы тарапынан ЖСҚ әзірленуде.