Шымкенттік полицейлер жасөспірімдерге түсіндіру жұмыстарын жүргізді

0
64

Шымкент қаласы Полиция департаменті Қаратау ауданы Полиция басқармасы ювеналды полиция бөлімінің инспекторы полиция лейтенанты А.Сүлейменов №116 жалпы орта білім беретін мектептің жоғары сынып оқушыларына құқық бұзушылықтың алдын алу мақсатында түсіндіру жұмыстарын жүргізді.

Бұл дәрістің басты мақсаты — ағымдағы жылдың 13-19 қыркүйек аралығында өтіп жатқан «Жасөспірім» жедел-профилактикалық іс-шарасы аясында құқықбұзушылықтың алдын алу. Төбелес, бопсалау жайтының жолын кесу, құқыққа қайшы іс-әрекеттерге жол бермеу, кәмелетке толмағандарға алкогольдік және темекі өнімдерін сату, олардың түнгі уақытта заңды өкілдерінің ілесіп жүруінсіз ойын-сауық мекемелері мен тұрғын үй-жайлардан тыс аумақта болу жайттарын анықтау. Сондай-ақ, кәмелетке толмағандардан заңсыз сақталатын заттарды (атыс, суық қару, денсаулыққа зиян келтіре алатын басқа заттар, есірткі және психотроптық заттар) тәркілеу болып табылады.
Дәріс барысында оқушылармен сұрақ-жауап айдарын ұйымдастырып, өз ойларын ортаға салды. Тәртіп сақшылары оқушыларды тәртіпті болуға, жақсы оқуға, уақытты тиімді пайдалануға және спортпен шұғылдануға шақырды. Кәмелетке толмаған тұлғалардың қылмыстық және әкімшілік жауапкершілігі туралы хабардар етілді.

Шымкент қаласы Полиция департаментінің Баспасөз қызметі


ПІКІР ЖАЗУ