Жыл басынан бері “ашық wi-fi” желісіне 29 мыңға жуық азамат қосылған

Түркістан қаласында орнатылған «Ашық Wi-Fi» желісін жыл басынан бері 29 мыңға жуық азамат қолданған.

Оның ішінде шілде айында 5224 абонент жүйеге қосылған.

«Түркістан» теміржол вокзалында, Қ. А. Ясауи кесенесі және «Сапар орталығы» аумағында орнатылған. Сонымен қатар Жеңіс, Гүлдер, «Жібек жолы» саябақтарына, Ясауи және кіші арбаттарда, Байбұрт көшесіндегі сұрбұрқақ аумағында “Ашық WI-FI” желісі қолжетімді.

Тағы бір ескеретін жәйт, тегін Wi-Fi желісін пайдалану кезінде жастардың тәрбиесіне кері әсер ететін сайттарға да кіруіне шектеулер қойылған.