Мектеп жәрмеңкесі өтті

0
4

Тамыз айы аяқталып, оқушылардың мектепке баруына санаулы күндер қалды. Бұл кездері ата-аналардың балаларына мектепке қажетті заттарын сатып алатынын ескерген Төлеби ауданы әкімідігінің ұйымдастыруымен мектеп жәрмеңкесі өтті. Бұл жәрмеңкенің басты мақсаты – аз қамтылған және көп балалы отбасыларын қолдап, аудан тұрғындарына қажетті заттарды төмен бағамен ұсыну болып табылады.

Ленгір қаласындағы орталық базарында өткен жәрмеңке таңғы сағат 10.00 ден басталып, білім алуға қажетті барлық кеңсе заттар арнайы дүкендерден 10%-дан 15%-ға дейін төмен бағада сатылымға қойылды. Ал, мектеп формасы мен сөмкелер базардың бағасынан біршама төмен.

Жәрмеңкенің өтуі барысын Төлеби ауданы әкімінің орынбасары С.Дүйсебаев бақылып, ата-аналарға жолығып, жаңа оқу жылының басталуына дайындық кезеңінде оқушылардың мектеп тауарларын төмен бағамен сатып алуына көмек көрсету бағытында ұйымдастырылғанын түсіндірді.

Аудан әкімдігінің ұйымдастыруымен өтіп жатқан жәрмеңкеге 40—тан астам кәсіпкер, сатушы тауарларын ұсынды.

Төлеби ауданы әкімінің баспасөз қызметі


ПІКІР ЖАЗУ