Асқан қатігездік: Желіде күшікті тірілей өртегендердің видеосы тарады

ШҚО-да белгісіз біреулер күшікті қамап, оны тірідей өртеп жіберген. Әлеуметтік желілерде тағы бір жантүршігерлік видео тарап кетті, BAQ.KZ.

Жол жиегінде өртеніп жатқан үйшікті өскемендік еріктілер байқап қалған. Ішін қараған кезде шынжырмен байланған өлі күшікті тапқан.

Біз түсінуге және ақтауға болмайтын қатыгездіктің куәсі болдық. Бұхтырма тас жолында біреу күшікті өртеп жіберген.Бұл тек қатыгездік емес — қылмыс. Бұл жай ғана оқиға емес — бұл қоғам ауруының белгісі. Егер біз үнсіз қалсақ — ертең бұл күшік орнына кез келген адам болуы мүмкін, — деп жазылған видеода.

Полиция бұл жағдайға пікір білдірді. ШҚО Полиция департаментінің баспасөз қызметі мәліметінше, жануарларға қатыгездік көрсету дерегі бойынша қылмыстық іс қозғалған. Тергеу жүргізіліп жатыр.