Қарағандыда ЖЭО жабдықтары күрделі жөндеуден өткізіліп жатыр

 Қарағандылық ЖЭО-1 мен ЖЭО-3-те жеті ай ішінде 26 негізгі жабдық жөнделуі тиіс, оның ішінде бес қазандық пен үш турбинаны күрделі жөндеу жұмыстары жүргізіледі, деп хабарлайды BAQ.KZ.

Бұл жобалар жылумен жабдықтаудың сенімділігін арттыруға және жабдықтарға жүктемені азайтуға бағытталған.

Қаланың орталықтандырылған жылумен жабдықтаудың басты көзі ЖОЭ-3 № 1 қазандық агрегаты күрделі жөндеуден өткізіліп жатыр.

Бұл күрделі жөндеу қазандық жұмысының сенімділігін арттыруға және істен шығуды азайтуға бағытталған. Біз қазан экрандарының панельдерін, радиациялық бу жылытқышты, екі сатылы су экономайзерін, екі қабатты ауа жылытқыш кубтарын толығымен ауыстырамыз – бұл 100% жаңарту. Жөндеу аяқталғаннан кейін тозу деңгейі 35%-ға төмендейді. Бұл жабдықтардың тұрақты және сенімді жұмыс істеуін қамтамасыз етеді, – деп атап өтті «Қарағанды Энергоорталық» ЖШС бас директоры Флюр Гарипов. 

Жұмыстың жалпы ұзақтығы шамамен төрт айды құрайды. Көлемнің шамамен 50%-ы орындалды – бұл бөлшектеу, монтаждау және қайнату. Жұмыс тәулік бойы екі ауысымда жүруде. Күрделі жөндеу төрт жылда бір рет жүргізіледі және тозу пайызы жоғары жабдықты қамтиды.

Жөндеу жұмыстарын жүргізу үшін ЖЭО-3 тоқтамайды, электр энергиясын өндіріп, тәулік бойы жұмыс істеуді жалғастырады. Жөндеу науқаны кестеге сәйкес жүргізіліп жатыр, мердігер ұйымдар мен жеке қызметкерлер белсенді тартылып жатыр.

ЖЭО-3 директоры Константин Пятков хабарлағандай, биыл № 1 қазандық агрегатын күрделі жөндеу аясында 2-ші буындағы батареялық эмульгаторларды тазалау деңгейі анағұрлым жоғары 3-ші буындағы батареялық эмульгаторларға ауыстыру жүргізілуде.

Бұл № 1 қазандық агрегатынан жалпы шаң шығаруды едәуір төмендетеді. Эмульгатордағы газ тазарту процесінде сумен өзара әрекеттесу кезінде шаң шөгіп, атмосфераға тазартылған газ шығады. Бұл станцияның экологиялық көрсеткіштерін жақсарту жөніндегі негізгі шаралардың бірі, – деп түсіндірді ол.

Сондай-ақ ЖЭО-1-де екі қазандық пен бір турбинаға күрделі жөндеу жұмыстары жүргізілуде, қалған агрегаттар жоспарлы техникалық қызмет көрсетуден өтуде.

ЖЭО-3-те жөндеуден басқа, станцияны кеңейту жобасы іске асырылуда: қуаты 120 МВт және жылу өнімділігі 180 Гкал/сағ болатын жаңа энергоблокты іске қосу көзделген. Бұл өңірдегі энергия тапшылығын азайтуға мүмкіндік береді.

Жылу беру маусымына дайындықтың маңызды бағыттарының бірі – ЖЭО-3-тен басталатын ұзындығы 2,4 км негізгі магистральдық жылу трассаларының бірін реконструкциялау.

Құбырлардың диаметрі 1000 мм-ден 1200 мм-ге дейін ұлғаяды, бұл өткізу қабілетін айтарлықтай арттырады. Екінші жоба Сұрыптау мен Пришахтинскке дейінгі 2,1 км жалғастырушы жылу трассасын қамтиды. Екі жоба да әкімдіктің қолдауымен жүзеге асырылып, республикалық бюджеттен қаржыландырылды.

50 жыл бойы басты құбырда күрделі жөндеу жүргізілмеген, тек ағымдағы ғана. Бірінші кезектегі жөндеу жұмыстары жылыту маусымының қауіпсіз өтуін қамтамасыз етіп, жаңа қосылулардың негізін қалайды, – деп атап өтті ТКШ бөлімі басшысының орынбасары Жанболат Тоқмырзин.

Құбырды төсеу кезінде «Сарыарқа» АЭА-да орналасқан Қарағанды «Изоплюс Орталық Азия» кәсіпорнында дайындалған Қазақстанда өндірілген құбырлар пайдаланылады.

Барлық жұмыстар кесте бойынша жүріп жатыр. Екі жобаның іске асырылуы үш жылға есептелген, бірақ жалғастырушы трассаны мерзімінен бұрын – биыл тапсыру жоспарланған.